كيفية تحرير محضر بمباحث الانترنت لمواجهة الابتزاز الالكتروني او السب والقذف عن طريق مواقع التواصل الاجتماعي مع بعض الملاحظات
١- ناخد اسكرين شوت (لقطة شاشه ) للمحادثة المراد الابلاغ عنها ، مع اللينك الرابط الخاص بالمشكو في حقه ويتم طباعته علي ورق ، وان كان علي الواتساب يبقي برقم التليفون
٢- ناخد معانا اصل بطاقة الرقم القومي + صورة منها
٣- نتوجه لمقر مباحث الانترنت او الاتصالات الذي تتبع له
٤ - الناس هناك كويسين جدا ومتعاونين ، مفيش داعي للخوف
٥- مش بيفرق هل الحاجات اللي بيتم الابتزاز بيها مبعوته بشكل رضائي ولا تم الحصول عليها بأي صورة المهم انه بيتهم التهديد بنشرها و الابتزاز
٦- بالنسبه للسن عشان ناس كتير بتسأل عن ازاي اعمل المحضر بس من غير اهلي ما يعرفوا ، من سن ١٨ سنه يقدر الانسان يحرر محضر ضد اي شخص بمفرده ولكن لا يمتلك التصالح او التنازل عنه بمفرده ولابد من وجود الاب او من ينوب عنه في حالة الوفاه وقت التصالح ، من سن ٢١ يقدر الشخص يحرر اي محضر ويتنازل او يتصالح عنه بمفرده
٧- الشرطه مش بتتصل بالاهل لما اولادهم يعملو محضر
٨- الموضوع سري والشرطه مش بتنشر اي حاجه او اي معلومه عن تحرير المحضر
٩- هتاخد رقم صادر من المباحث للقسم التابع له وتسال برقم الصادر في الدفاتر تاخد رقم الجنحه تتابع به في النيابه
<a href="https://www.tiktok.com/@mahmoudelkhal/photo/7505020087301197064?is_from_webapp=1&sender_device=pc" target="_blank" rel="noopener">
<img src="https://p16-sign-va.tiktokcdn.com/tos-maliva-p-0068/11b3a8bb3dcd4d95a7b187c544ee172e_1685412466~tplv-tiktok-webt:720:720.png?x-expires=1685446800&x-signature=C2k2GVL6Qu53kO9hh9zOLqT1SRo%3D" alt="صورة من حساب محمود الكحل على تيك توك" style="max-width:100%;height:auto;">
</a>
ملاحظات
*** في حالة السب والقذف والتشهير عن طريق الفيس بوك يتم تحرير محضر عن طريق مباحث الانترنت.
*** اما اذا تم السب والقذف عن طريق تطبيق الواتس اب بدون تطبيق الفيس بوك يتم تحرير محضر شرطه وهي الجهة المختصه بهذا الشأن ويتم تحرير المحضر في موعد اقصاة ثلاث شهور مشفوعا بصورة اسكرين شوت لما تم من سب وقذف.
الاستاذ/محمود الكحال
محام ومستشار قانوني
01019934938 -01120326046
إرسال تعليق